天氣開始熱喇，姊妹們動起來！好似前港姐陳雅思（Bonnie），為咗keep住弗爆身材都唔敢偷懶，日日落力做運動。呢日Bonnie仲拍片放上網分享，着貼身衫嘅佢大騷纖腰同長腿，大方展現線條美，上圍Big爆就成為亮點，相當吸睛。

不過Bonnie對鞋都好搶眼，唔係一般嘅運動鞋，而係彈力鞋嚟，原來着呢對鞋做運動，可以消耗多啲卡路里，難怪Bonnie全程着住做Gym兼跳舞，但見佢跳咗冇耐已經喘晒氣，睇見都覺辛苦，果然為咗靚係唔可以偷懶！